2024-cü ilin ən pis mahnısı açıqlandı-VİDEO

Amerikanın məşhur “Variety” nəşri 2024-cü ilin musiqi antireytinqini açıqlayıb. Jurnal bu ilin ən uğursuz hesab edilən 15 mahnısını müəyyən edib. Siyahıda dünya ulduzları Jon Bon Covi, Keti Perri, Niki Minaj, Ice Spice kimi məşhurların trekləri yer alıb.

Ən pis mahnılar siyahısına liderliyi Keti Perrinin "Woman's World" treki edib. Mahnı onun "143" adlı yeddinci albomuna daxildir. Trekin premyerasından sonra istifadəçilər və tənqidçilər tərəfindən kəskin reaksiya gəlib. Mahnının prodüseri Dr. Luke-un cinsi təcavüzdə ittiham olunması xüsusilə qınaq obyektinə çevrilib.

Keti Perri trekin feminist mesaj verdiyini qeyd etsə də, dinləyicilər videoda yarıçılpaq səhnələrdən istifadə olunmasının bu mesajla uzlaşmadığını bildiriblər. Mahnının "2014-cü ildə ilişib qaldığı" və köhnəlmiş üslubda olduğu vurğulanıb.

Bundan əlavə, siyahıda Niki Minaj və Ice Spice-ın "Big Foot", CoCo Sivanın "Karma", Kamila Kabello və Playboi Carter-in "I Luv It" kimi trekləri də yer alıb. Nəşrin qeyd etdiyinə görə, duetlərin uğursuz kombinasiyaları bir çox mahnının zəif alınmasına səbəb olub.

2024-cü ilin ən pis mahnıları:

• Keti Perri – "Woman's World"
• Ice Spice – "Think U the Shit (Fart)"
• Niki Minaj – "Big Foot"
• CoCo Siva – "Karma"
• Kamila Kabello və Playboi Carter – "I Luv It"
• Tom MacDonald və Ben Shapiro – "Facts"
• Ye və Ty Dolla $ign – "Carnival"
• Pitbull və Jon Bon Covi – "Now or Never"
• David Guetta və OneRepublic – "I Don't Wanna Wait"
• Bailey Zimmerman – "New to Country"
• Julia Fox – "Down the Drain"
• Lisa və Rosalía – "New Woman"
• Jason Derulo və Michael Buble – "Spicy Margarita"
• Bryan Kelly – "Kiss My Boots"
• Meghan Trainor və T-Pain – "Been Like This"