Cici tərzi ilə diqqət mərkəzində - FOTO
Supermodel Cici Hadid Nyu-Yorkda “Million Gold For Her” ətirinin təqdimatında iştirak edib. O, gecəyə zərif sarı maksi don və qızılı çalarlı PVC plaşla qatılaraq diqqət mərkəzində olub. Hadid minimal aksessuarlarla, təbii makiyaj və “wet-look” saç düzümü ilə gecəyə eleqant toxunuş qatıb.
AsimanFərzəliyeva 
Məşhur supermodel və Rabanne brendinin qlobal səfiri Cici Hadid Nyu-Yorkda “Million Gold For Her” ətirinin təqdimatı üçün təşkil olunan pop-up tədbirinə qatılıb.
Model gecədə müasir və eleqant tərzi ilə diqqət çəkib.
Tədbir üçün Cici zərif sarı maksi don seçib. Donun axıcı və qatlı dizaynı ətir flakonunun qızılı çalarları ilə harmoniyada olub. O, görünüşünü yarı şəffaf, qızılı çalarlı PVC plaş və belini vurğulayan kəmərlə tamamlayıb.
Ayaqqabı seçimində qızılı dabanlı çəkmələrə üstünlük verən Hadid, minimal aksessuarlar və qızılı-qırmızı dodaq boyası ilə gecəyə xüsusi parıltı qatıb. O, saçlarını dalğalı və “wet-look” tərzində arxaya yığıb, makiyajında isə təbii tonlara üstünlük verib.
