Xalq artistinin psixi sağlamlığı pozulub

Rusiyanın xalq artisti Larisa Dolina Moskvanın mərkəzindəki mənzilini 112 milyon rubla satarkən psixi vəziyyətinin qeyri-sabit olduğu müəyyən edilib.

Məlumata görə, müayinələr sənətçinin nə baş verdiyini tam anlaya bilmədiyini və bu proses zamanı son dərəcə əsəbi olduğunu üzə çıxarıb. Dolina hadisədən sonra tez-tez ağladığını bildirib.

Buna baxmayaraq, müğənni bu günlərdə universitet tələbələri üçün çıxış edib və Kremldə konsert verib. Mülki proses çərçivəsində onun nümayəndələri məhkəmə-psixiatrik ekspertiza tələb etməyiblər.