Ledi Qaqadan Tarixi Rekord
Məşhur pop ulduzu Ledi Qaqa qadın sənətçilər arasında Spotify tarixində yeni rekorda imza atıb. O, aylıq dinləyici sayına görə Ariana Qrandenin əvvəlki göstəricisini keçərək liderliyə yüksəlib.
AsimanFərzəliyeva 
Pop musiqisinin fenomeni Ledi Qaqa Spotify platformasında daha bir tarixi uğura imza atıb. O, aylıq 123.736.959 dinləyici ilə qadın sənətçilər arasında rekorda nail olub.
Bu göstərici ilə Ledi Qaqa Ariana Qrandenin əvvəlki rekordunu qıraraq, ən çox aylıq dinləyici sayına malik qadın ifaçı olub. Hazırda o, yalnız Bruno Mars və The Weeknd-dən geri qalır.
Ledi Qaqanın yeni sinqlı "Abracadabra" musiqi dünyasında böyük səs-küy yaradıb və pərəstişkarları tərəfindən böyük maraqla qarşılanıb. Onun bu uğuru dünya musiqi sənayesindəki gücünü bir daha sübut edir və yeni layihələrinin böyük həyəcanla gözlənildiyini göstərir.
