Serkan Çayoğlu sevgisi uğrunda mübarizəsindən danışdı
Tanınmış türk aktyoru Serkan Çayoğlu həyat yoldaşı Özge Gürelə olan sevgisindən və onun qəlbini qazanmaq üçün göstərdiyi səylərdən danışıb. Aktyor sevgisinin onun üçün böyük bir təcrübə olduğunu bildirib.
AsimanFərzəliyeva 
Türkiyənin məşhur aktyoru Serkan Çayoğlu həyat yoldaşı, aktrisa Özge Gürel ilə münasibətindən danışıb. O, Özgenin şəfqətli və anlayışlı xarakterinə heyran olduğunu bildirib:
"Özgenin mərhəməti, empatiya gücü, dünyagörüşü mənə çox maraqlı idi. Nə olduğunu anlamadan aşiq oldum. Onun da məni sevməsi üçün çox çalışdım."
Aktyor sevgi üçün böyük fədakarlıqlar etdiyini də etiraf edib:
"Bu, mənim üçün böyük təcrübə idi. Sevgi üçün nələr edə biləcəyimi gördüm."
Çayoğlu və Gürel cütlüyü uzun illərdir birlikdədir və 2022-ci ildə ailə həyatı qurublar. Onların münasibəti sevgi və hörmət üzərində qurulmuş ideal bir cütlük nümunəsi kimi qəbul edilir.
