Kazım Canın hərəkətinə etiraz etdi

Müğənni Şəbnəm Qəhrəmanova ilə mahnı müəllifi Kazım Cəbrayılov (Kazım Can) arasında qalmaqal baş verib.

Şəbnəm Qəhrəmanova "Tarixin bir günü" verilişində Kazım Canın "Afaqla onlar" proqramında Türkan Vəlizadənin ifası səslənərkən əli ilə "X" işarəsi göstərməsini düzgün hesab etmədiyini bildirib:

"Ola bilər ki, Lalə Məmmədova onu tanımasın, mən bunu qınamadım. Amma Kazım Canın bu hərəkətini doğru qəbul etmədim. Çünki o da Azərbaycan şou-biznesi üçün sənət əsəri yazmayıb ki, hansısa mahnıya və ya sənətçiyə "X" çəksin. Bu addımı atmaq Kazım Canın haqqı deyil. Ümumiyyətlə, heç kim bunu edə bilməz".

Qeyd edək ki, "Afaqla onlarla" verilişində Türkan Vəlizadənin ifası yayımlandığı zaman Əməkdar artist Lalə Məmmədova onu tanımadığını bildirib, Kazım Can isə bu jesti edib.