"35 il muğam oxudu, amma heç kim onu tanımadı"

Müğənni İlqar Xəyal, "Avroviziya" təmsilçilərimizdən İlkin Dövlətovla bağlı maraqlı açıqlamalar verib. O, uzun illər muğamla məşğul olan İlkinin geniş tanınmadan öncə qarşılaşdığı çətinlikləri vurğulayıb.

Xəyal, "Gün ortası" verilişində qonaq olduğu zaman, İlkinin 35 il boyunca muğamla məşğul olduğunu, amma hələ də kifayət qədər tanınmadığını bildirib: "İlkin 35 ildir muğam oxuyur, sənət yolunda çox çətinliklərlə üzləşib. O, tar və kamanla təsnif oxuyub, amma nəhayət ki, Səid Rüstəmovun 'Getmə-getmə' mahnısı ilə tanındı. Bu, ona daha çox imkanlar açdı və 'Avroviziya'ya qədər gedə bildi. İlkin anlayıb ki, doğru addımlar atmaq lazımdır".

Xəyal, həmçinin, İlkinin uğurlarını əldə etmə yolu haqqında qeyd edib ki, tanınma sadəcə bəzi musiqi seçimlərinə və düzgün addımlar atmağa bağlıdır.