44 yaşını belə qeyd etdi – FOTOLAR

Məşhur "Hilton" otellər şəbəkəsinin varisi və Hollywood ulduzu Paris Hilton 44 yaşını təmtəraqlı bir çəhrayı şənliklə qeyd edib.

Glamur həyat tərzi ilə tanınan Hilton ad günündə yaxın dostlarını və məşhurları bir araya toplayaraq "Paris Klubu"nu yenidən yaratmış olub. Partiyaya reper Snoop Dogg, aktrisa Jessica Alba, Sofia Vergara, "Blackpink" qrupunun üzvü Lisa, Sidney Sweeney, Cara Delevingne, Julia Fox, Anya Taylor-Joy və Lukas Gage kimi məşhurlar qatılıb. Gecədə DJ-lər Diplo və Diablo da musiqi ilə qonaqlara unudulmaz anlar yaşadıblar. Paris Hiltonun iki yaşlı oğlu Feniks də çəhrayı xalçada qonaqlarla birlikdə pozalar verib.

Hilton instaqram səhifəsində paylaşım edərək, "Burada yalnız ikonlar ilin ən yaxşı partiyası üçün toplanıb. Mən ad günümü dostlarımla qeyd etməyi sevirəm! Gələn və mənimlə olan hər kəsə təşəkkür edirəm! Hamınızı sevirəm! Gələn ili səbirsizliklə gözləyirəm!" – sözlərini yazıb.

Şənlik üçün Paris Hilton qısa çəhrayı və bənövşəyi libas, gün eynəyi və uzun çəkmələr geyinib. Tədbir onun lüks və qlamur həyat tərzini bir daha nümayiş etdirib.