Adam Sandlerin "Oskar" geyimi qalmaqal yaratdı – FOTOLAR
Məşhur aktyor Adam Sandler "Oskar" mükafatlandırma mərasiminə qeyri-adi geyimi ilə qatılıb. Onun şortik və sviter kombinasiyası gecənin aparıcısı Konan O'Brayanın diqqətini çəkib və zarafatlara səbəb olub. Sandler isə geyimi ilə bağlı tənqidlərə sərt cavab verib.
AsimanFərzəliyeva 
Aktyor Adam Sandler "Oskar" mükafatlandırma gecəsinə şortik, köynək və sviter geyinərək qatılıb. Onun bu seçimi gecənin aparıcısı Konan O'Brayanın diqqətindən yayınmayıb.
Səhnədə çıxış edən O'Brayan Sandlerə xitab edərək, belə mötəbər tədbirə nə geyindiyini soruşub və onun tərzini "gecə saat ikidə poker oynayan uşaq" kimi təsvir edib.
Komediya ustası bu sözlərə cavab olaraq bildirib ki, aparıcı bunu gündəmə gətirənə qədər heç kim onun geyimi haqqında düşünməyib:
"Görünüşümü sevirəm, çünki yaxşı insanam. Nə geyinib-geyinmədiyim məni maraqlandırmır. Mənim dəbli idman şortikim və tüklü köynəyim səni o qədər narahat etdi ki, həmyaşıdlarımın yanında məni ələ salmalı oldun?" – deyə Sandler zarafatla bildirib.
Onun bu reaksiyasından sonra Konan O'Brayan gülüşünü saxlayaraq aktyordan üzr istəyib.
Daha sonra Adam Sandler Hollivud aktyoru Timoti Şalame ilə səmimi görüntülənib. Sandlerin mavi, Şalamenin isə sarı rəngdə geyinməsi Ukrayna bayrağının rənglərinə bənzədilib. Bu detal isə ABŞ-ın keçmiş prezidenti Donald Trampla Ukrayna lideri Volodimir Zelenski arasındakı qalmaqallı görüşü xatırladıb.
