Angelina Jolie səhnəyə ayaqyalın gəldi - FOTOLAR

Angelina Jolie, on ildən sonra ilk dəfə bir tok-şouya qatıldı. Şounun aparıcısı Jimmy Fallon, təəccüblənərək aktrisaya ayaqqabılarını unudub-unutmadığını soruşdu. Jolie gülümsəyərək səbəbini açıqlayıb: "Xeyr, dünən barmağımı sındırmışam və rahat bir ayaqqabı tapmağa çalışsam da, nəticədə ayaqyalın çıxmağa qərar verdim."

Jolie, müsahibə zamanı həm də özünü tok-şoularda narahat hiss etdiyini etiraf edib: "Sözün düzü, tok-şoularda çox əsəbi oluram. Özümü çox narahat hiss edirəm və bunu on ildir etməmişəm. Bu, mənim üçün tamamilə yad bir şeydir."

Aktrisa, keçmiş əri Brad Pitt ilə birlikdə olan övladlarından – Maddox (23 yaş), Pax (21 yaş), Zahara (19 yaş), Şilo (18 yaş) və əkizlər Knox və Vivienne (16 yaş) – bəhs edərək onların maraqları və əyləncə sənayesindəki iştirakları barədə danışıb. Jolie, analıq hisslərini bölüşərək, övladları ilə bağlı böyük qürur hissi keçirdiyini qeyd edib.