Azərin Komada olarkən Barmağının tərpənməsi Yaxınlarına Ümid Verib

Mərhum aktyor Azər Baxşəliyevin komada olduğu dönəmdə əlində hərəkət müşahidə edilib. Bu barədə onun yaxın dostu İlkin Həsəni "Xəzər axşamı" proqramında danışıb. Həsəni bildirib ki, son günlərdə kiçik bir ümid yaranıb: “Balaca uşaq kimi sevindiyimiz bir şey oldu. Kimsə dedi ki, gecə tibb bacılarından biri Azərin əlinin, barmağının tərpəndiyini görüb. Bu, ehtimal ki, sadəcə refleks ola bilərdi, amma o an bizim üçün böyük bir işıq oldu. Hər kəs bir-birinə ümidlə baxırdı, bəlkə də bir irəliləyiş vardır deyə. Lakin həkim ümidsiz bir şəkildə gəldi və heç bir yenilik olmadığını bildirdi.”