Bakıda müğənni ilə ofisiant arasında mübahisə baş verib, nəticədə ofisiantın müğənnini təhqir edən video yayımlanıb. Hadisə Binəqədi rayonunda yerləşən bir restoranda baş verib. Restoranda ofisiant olaraq çalışan 1984-cü il təvəllüdlü Şəfa Mustafayeva, müğənni Mehriban S. ilə mübahisə etdikdən sonra işdən çıxarılıb. Şəfa Mustafayeva daha sonra "TikTok"da saxta hesab yaradaraq, müğənninin fotolarından ibarət video hazırlayıb və üzərinə təhqiramiz ifadələr əlavə edərək yayımlayıb.
Müğənni Mehriban S., videonun yayılmasından sonra hüquq-mühafizə orqanlarına şikayət edib. Şəfa Mustafayeva Cinayət Məcəlləsinin 148-ci maddəsi (Təhqir) ilə cinayət məsuliyyətinə cəlb edilib və ona 1000 manat cərimə kəsilib.
