Bayramda işləyən qadını sevindirən məşhur reper

Milad ərəfəsində məşhur reper Post Malone, Texasda bir barda işləyən 36 yaşlı barmen, Rene Braun’a böyük bir sürpriz etdi. Braun, 9 yaşlı qızı İlyanadan ayrı olaraq, Milad bayramını gecə növbəsində işləyərək keçirib. Əvvəllər hər Milad bayramında qızı ilə peçenye bişirən və Milad filmləri izləyən Rene, bu ənənəni ilk dəfə pozmuşdu.

Həmin gecə Post Malone da barın qonaqlarından biri olub. Bar bağlanarkən müğənni, hesabını ödəmək istəyib. Lakin müğənni özəl bir bəxşiş vermək niyyətində olduğu üçün hesabın yerinə 20 min dollar məbləğində pul qoyulmasını istəyib.

Braun, bu gözlənilməz hədiyyə sayəsində kirayə haqqını ödəmək və öz biznesini qurmaq üçün qənaət etməyə başlamağı planlaşdırır. O, bu hadisəni "Music Mayhem" jurnalına danışaraq, həyatında yaşadığı ən gözəl sürprizlərdən biri olduğunu bildirib.