"Behzat Ç." Serialı Üçüncü Mövsümü ilə Geri Qayıdır
Türk televiziya tarixinin fenomen seriallarından biri olan "Behzat Ç." ekranlara geri qayıdır. Fevralın 8-də Ankarada üçüncü mövsümün çəkilişlərinə start veriləcək. Serialın yaradıcısı Emrah Serbes ssenari üzərində işləməyə davam edir, Erdal Beşikçioğlu isə yenidən Behzat Ç. rolunda çıxış edəcək.
AsimanFərzəliyeva 
Türk televiziya dünyasının sevilən seriallarından "Behzat Ç." üçüncü mövsümü ilə ekranlara geri dönür. Fevralın 8-dən etibarən Ankarada çəkilişlərə başlanacağı açıqlanıb.
Layihənin yaradıcısı və ilk iki mövsümün ssenari müəllifi olan Emrah Serbes, yeni mövsümün hekayəsi üzərində işləməyi davam etdirir.
Serialın baş rolu olan Behzat Ç.-ni canlandıran məşhur aktyor Erdal Beşikçioğlu yenidən bu obrazla izləyicilərin qarşısına çıxacaq. Çəkilişlərin Etimesgut Bələdiyyəsinin iş saatları xaricində və həftə sonları həyata keçiriləcəyi bildirilib.
Yeni mövsüm, həm aktyor heyəti, həm də maraqlı hekayə xətti ilə serialın pərəstişkarlarında böyük həyəcan yaradıb.
