Beste Açar xəyanəti casus proqramla öyrəndi-FOTO
Mərhum müğənni Kayahanın qızı Beste Açar həyat yoldaşı Evren Bölekdən ayrılmaq qərarına gəlib. O, telefonuna yüklədiyi casus proqram vasitəsilə ərinin xəyanətini öyrənib. Cütlük bu ay məhkəmədə qarşılaşacaq.
AsimanFərzəliyeva 
Türkiyənin məşhur mərhum müğənnisi Kayahanın qızı Beste Açar 2022-ci ildə evləndiyi həyat yoldaşı Evren Bölekdən boşanmaq üçün məhkəməyə müraciət edib. Buna səbəb isə həyat yoldaşının ona xəyanət etməsi olub.
İddialara görə, Açar ərinin telefonuna casus proqram yükləyərək onun başqa qadınla münasibətini öyrənib. Ancaq əldə etdiyi məlumatların hüquqi dəlil kimi qəbul olunmayacağını anlayıb.
Xəyanət məsələsi üzə çıxdıqdan sonra Evren Bölek evi tərk edərək Urfaya gedib. Ortaya çıxan xəbərlərə görə, onun hələ də Beste Açarı unutmadığı və boşanmaq istəmədiyi bildirilir. Ortaq dostları cütlüyü barışdırmağa çalışsalar da, Açar boşanmaqda israrlıdır.
Beste Açar və Evren Bölek bu ay İstanbul məhkəməsində qarşı-qarşıya gələcək.
