Beynəlxalq gözəllik yarışmasında ölkəmizi təmsil edəcək

Əməkdar artist Naina İbrahimova, Misirdə, xüsusilə Qahirədə keçiriləcək “Beauty Queen of the Universe” beynəlxalq gözəllik yarışmasında Azərbaycanı təmsil edəcək. N. İbrahimova bu barədə öz İnstaqram hesabında məlumat verib.

Yarışma Qahirədə baş tutacaq və burada 150 ölkədən olan gözəl xanımlar birincilik uğrunda mübarizə aparacaq. Əməkdar artist Naina İbrahimova ABŞ, İspaniya, Estoniya, Özbəkistan, Meksika, Mərakeş, Fransa, Almaniya, Livan və digər ölkələrdən olan iştirakçılarla qarşılaşacaq. Bu, onun beynəlxalq arenada iştirak etdiyi ən böyük gözəllik müsabiqələrindən biridir.