Britni Spirs Həyatını Kökündən Dəyişdirməyə Hazırdır

Müğənni Britni Spirs, 43 yaşını qeyd etdiyi 2 dekabr tarixində həyatında böyük dəyişikliklərə imza atmağa hazır olduğunu açıqlayıb. O, pis vərdişlərdən qurtulmağı, oğulları ilə əlaqələrini yaxşılaşdırmağı və maliyyə baxımından uğur qazanmağı qarşısına məqsəd qoyub.

Xarici mənbələrə görə, Britni artıq ayıqdır və sağlam həyat tərzinə əməl edir. Öz pəhrizinə və sağlamlığına xüsusi diqqət yetirən müğənni şəxsi aşpaz və tibb işçisi də işə götürüb.

Mənbələr bildirir ki, Britni narkotik istifadə etmir və bəzən yalnız bir stəkan şərab içir. Onun ətrafında onu doğru yolda dəstəkləyən insanlar var.

Britninin ən böyük motivasiyası isə oğulları 19 yaşlı Şon Preston və 18 yaşlı Ceydan olub. Uzun illər davam edən qəyyumluq məsələləri və sosial şəbəkələrdəki qalmaqallar səbəbindən onlar arasında yaranan soyuqluq artıq aradan qaldırılıb. İnsayderlər təsdiq edirlər ki, müğənni və övladları arasında indi isti bir əlaqə mövcuddur.