"Bu gün babam öldü, amma səhnəyə çıxdım"
"Səs Azərbaycan" müsabiqəsində iştirakçı Nofəl Aslanov babasının vəfatına baxmayaraq, səhnəyə çıxaraq çıxışı ilə hər kəsi kövrəldib.
AsimanFərzəliyeva 
"İctimai TV"də yayımlanan "Səs Azərbaycan" musiqi müsabiqəsində duyğusal anlar yaşanıb.
İştirakçılardan biri olan Nofəl Aslanov, babasının vəfatına baxmayaraq, səhnəyə çıxaraq ifasını təqdim edib.
"Bu səhər məni böyüdən babam dünyasını dəyişdi. Səhərə qədər məsciddə oldum. Amma buna baxmayaraq, indi səhnədə mahnı oxudum", – deyə o, çıxışından sonra bildirib.
Nofəl müsabiqədə "Ay gecikən məhəbbətim" mahnısı ilə çıxış edib və münsiflərdən Xalq artisti Zülfiyyə Xanbabayevanı seçib.
Qeyd edək ki, bu, Nofəl Aslanovun "Səs Azərbaycan"da ikinci iştirakıdır.
