Meyxana həvəskarları üçün müjdeli xəbər! ANS kanalında yayımlanan və uzun müddət dayandırılmış "De, gəlsin!" meyxana yarışması yeni formatda ekranlara qayıdır.
İllər əvvəl dayandırılmış ANS kanalının məşhur "De, gəlsin" meyxana yarışması yenidən izləyiciləri ilə buluşacaq. Aktyor Elcan Rəsulov sosial şəbəkədə bu xəbəri verərək, yarışmanın yeni versiyasının təqdim ediləcəyini açıqlayıb.
O, aparıcı Emin Əfəndi ilə olan fotosunu paylaşaraq bildirib ki, "De, gəlsin" yeni dizaynla, müasir formatda və sintezatorsuz meyxana təqdim edəcək. Yarışmada yalnız sözün gücünə üstünlük veriləcək. Elcan Rəsulov, söz bacarığı olanları hazır olmaları barədə xəbərdar edib.
"De, gəlsin!" meyxana yarışmasının ilk aparıcısı Emin Əfəndi olub.
