"Bu, Sadəcə Absurddur!"
"Əqrəb Mövsümü" serialının aktyoru Azər Aydəmir Vəkillər Kollegiyasının irəli sürdüyü ittihamlara cavab verib. O, bədii əsərin həqarət kimi qəbul edilməsini absurd adlandıraraq, vəkillərin bu məsələyə emosional yanaşmasının təəssüf doğurduğunu bildirib. Aydəmir, sənət azadlığının önəmini vurğulayaraq, serialda təqdim edilən obrazların reallığın əksi olduğunu qeyd edib.
AsimanFərzəliyeva 
Aktyor Azər Aydəmir "Əqrəb Mövsümü" serialında yer alan bəzi səhnələrlə bağlı Vəkillər Kollegiyasının yaydığı bəyanata münasibət bildirib. O, sosial media hesabında açıqlama yayaraq, Kollegiyanın bu məsələni emosional və həssas yanaşma ilə şərh etməsini tənqid edib.
Aydəmir qeyd edib ki, serialdakı hadisələr bədii materialdır və reallığı əks etdirmir:
"Hörmətli vəkillərimizin bədii materiala həssas və emosional yanaşması üzücüdür. Vəkillik peşəsi obyektiv qərarlar verməli və hərəkətləri təmkinlə idarə etməlidir. Serialda hər bir obraz insani zəiflikləri ilə təqdim edilir. Bu, sadəcə bir kinodur və reallığı əks etdirmək iddiasında deyil."
Aktyor, Azərbaycan kinosunun uzun illər senzura ilə üzləşdiyini vurğulayaraq, sənət azadlığının vacibliyini müdafiə edib. O, Vəkillər Kollegiyasının bədii əsəri sifarişli və ya qərəzli görməsini "absurd" adlandırıb.
"Hörmətli vəkillər, biz sizi sevirik və hüquq sistemimizin ayrılmaz hissəsi kimi qəbul edirik. Biz sizin emosional istirahətiniz üçün çalışırıq, lakin bu emosiyalar şəxsi münasibətə çevrilməməlidir," – deyə Aydəmir fikrini tamamlayıb.
.png){kind=small}
