Bürcləri Gözləyən Gərgin Günlər – Astroloqdan Xəbərdarlıq

Astroloq Dinçer Güner qarşıdakı üç gün ərzində bürcləri təsir altına alacaq astroloji hadisə barədə xəbərdarlıq edib. Onun sözlərinə görə, Merkuri ilə Uran arasında meydana gələn kvadrat bucaq ünsiyyət problemlərinə, sürətli və düşünülməmiş qərarlara səbəb ola bilər.

"Bu günlərdə ehtiyatlı olmaq lazımdır. Sözləriniz qalmaqala səbəb ola bilər, insanlarla münasibətlərinizdə diqqətli olun. Çox sərt və şokedici həqiqətləri söyləmək riskiniz var. Xüsusilə dostluq münasibətlərində problemlər yaşana bilər. Gözlənilməz hadisələr planlarınızı dəyişdirməyə məcbur edə bilər," – deyə astroloq bildirib.

Dinçer Güner həmçinin xəbərdarlıq edib ki, bu dövrdə beynimiz normadan daha sürətli işləyəcək, lakin bu tələskənliyə və səhvlərə yol açacaq.

Astroloqun sözlərinə görə, soyuqqanlı və düşünülmüş davranışlar bu gərgin enerjidən daha az ziyan görməyə kömək edəcək.