Cud Lou Putinin obrazını canlandıracaq
Hollivud ulduzu Cud Lou, Olivye Assayasın "Kreml sehrbazı" adlı siyasi trillerində Rusiya Prezidenti Vladimir Putinin rolunu oynayacaq. Filmin hadisələri 1990-cı illərin əvvəllərində Rusiyada baş verir və gənc televiziya prodüseri Vadim Baranovun, Federal Təhlükəsizlik Xidmətinin agenti Putinlə tanışlığına fokuslanır.
AsimanFərzəliyeva 
Olivye Assayasın "Kreml sehrbazı" adlı siyasi trillerində Cud Lou, Rusiya Prezidenti Vladimir Putinin rolunu canlandıracaq. Bu barədə "Deadline" məlumat verib.
Filmin hadisələri 1990-cı illərin əvvəllərində Rusiyada baş verir. Süjetin mərkəzində gənc televiziya prodüseri Vadim Baranov durur, hansı ki, gözlənilmədən Federal Təhlükəsizlik Xidmətinin agenti olan Putinlə tanış olur və onun siyasi texnoloquna çevrilir.
Baranovun obrazı əsasən, Rusiya siyasətçisi Vladislav Surkovdan ilhamlanıb. Kitabda, həmçinin Putinin ətrafında yer alan Yevgeni Priqojin kimi real şəxsiyyətlər də yer alır.
Cud Lou ilə yanaşı filmdə Pol Dano, Alisia Vikander, Zak Qalifianakis və Tom Sterrik də rol alacaqlar. Olivye Assayas, "Zamanın xaricində", "Şəxsi alıcı", "İrma Vep" və "İkili həyat" kimi məşhur filmlərin rejissorudur.
