"Dostlardan Xəyanət Gördüm" - Günay İbrahimli

Müğənni Günay İbrahimli, son zamanlarda televiziyalarda daha az görünməsinin səbəbini açıqlayıb. Televiziya proqramlarından birində verdiyi müsahibədə, yaxınlarından aldığı xəyanətləri və bu hadisələrə qarşı necə davrandığını danışıb. O, özünün Dolça bürcü olduğunu və bu səbəbdən sevəndə çox bağlandığını, lakin diqqətsizlik gördüyü zaman tez unuda bildiyini vurğulayıb:

"Məni o qədər daşlayıblar, dostlardan elə xəyanət görmüşəm ki, artıq öyrəşmişəm. Bu, mənim üçün normal hal alıb", - deyə İbrahimli bildirib.

O, həmçinin son dövrlərdə həyatını daha sakit qəbul etməyə başladığını və hər hansı pis niyyətli şərhlərə, tənqidlərə artıq daha az əhəmiyyət verdiyini bildirib. "Yazılan şərhlərə, atılan sözlərə baxıb keçirəm. Pis niyyətli şərh yazanın ailəsində, özündə problem var. Onlara pis oluram", - deyə o əlavə edib.

Müğənni, eyni zamanda insanların subyektiv fikirlərinə hörmətlə yanaşdığını və hər kəsin onu sevmək məcburiyyətində olmadığını bildirib. "Kimsə televiziyada məni bəyənməyə bilər, amma salonlarda yaxınlaşıb, 'necə sadəsiniz?' deyirlər. Bu, mənim televiziyadan az görünməyimin səbəbi deyil, sadəcə, yekəxanalıq etməməkdir", - deyə Günay İbrahimli fikrini tamamlayıb.