"Dostumu əsla unutmadım"

Aparıcı İlkin Həsəni, son paylaşımına gələn mənfi şərhlərə cavab verib. O, sosial şəbəkədə dostu ilə bağlı "Dostunu nə tez unutdun?" və "O qədər yaxın idi, indi necə gülə bilirsən?" kimi şərhləri tənqid edib. İlkin Həsəni bununla əlaqədar olaraq paylaşımında belə yazıb:

"Şərhləri oxudum, amma normalda belə hallarda şərh bölməsi bağlanır, amma mən bağlamadım, çünki tənqidə açıqam. Kədəri anlamaq üçün sadəcə gözə baxmaq yetmir, çünki kədər göz yaşlarında deyil, qəlbin ən dərin qatlarında yatır. Bəzən insanlar bizim daxili vəziyyətimizi xarici görünüşümüzlə qarışdırırlar. Dostumu əsla unutmadım, amma həyatım dayanmamağımı tələb edir. İnsan sevdiklərini itirdikcə özü kiçilir, amma onların xatirəsi ilə yaşamaq bir növ borc olur. Mənim ayağa qalxmağım və gülməyim unudulma demək deyil, sadəcə itkilə barışmaq cəhdidir."

Həsəni, paylaşımında dostunun xatirəsinə hörmət edərək həyatına davam etdiyini vurğulayıb və hər kəsin kədərini şəxsi şəkildə yaşadığını qeyd edib. O, dostunun ruhunu şad etmək istədiyini və başqalarına da bu məqamda anlayış göstərilməsini xahiş edib.