Gecə zəngləri və Tom Hollandın qısqanclığı –FOTO
Robert Pattinson "Drama" filminin çəkilişləri zamanı yaşadığı maraqlı hadisəni bölüşüb. O, anlaşılmaz bir cümləyə görə günlərlə narahat olub və hətta Zendayaya gecə zəngi edib. Bu zənglər Tom Hollandın "yüngül qısqanclığına" səbəb olub.
AsimanFərzəliyeva 
"Alatoran" filmində Edvard Kallen obrazı ilə tanınan Robert Pattinson, "A24" studiyasının "Drama" filminin çəkilişləri zamanı başına gələn maraqlı hadisəni danışıb. O, ssenaridəki bir cümlənin mənasını anlamağa çalışaraq günlərlə düşündüyünü və səhifələrlə mətn təhlili yazdığını bildirib. Çarəni Zendayaya gecə zəngi etməkdə tapan aktyor, həmkarı ilə iki saat danışaraq rahatlaşıb.
Bu hadisə Zendayanın sevgilisi, məşhur aktyor Tom Hollandın da diqqətini çəkib və "yüngül qısqanclıq" yaradıb. Lakin bu məsələ qısa zamanda həll olunub.
Bundan əlavə, filmdə Pattinsonun tərəf müqabili Cennifer Lourens də aktyoru xüsusi hazırlıq olmadan kadrda rəqs etməyə razı salmaq üçün xeyli səy göstərib. Aktyor bu səhnə öncəsi böyük narahatlıq keçirsə də, sonda özünü ələ alıb.
Qeyd edək ki, rejissor Kristoffer Borqlinin "Drama" filmi hazırda istehsal mərhələsindədir. Premyeranın tarixi hələ açıqlanmasa da, pərəstişkarlar Robert Pattinson və Zendayanın birgə oyununu böyük ekranda izləməyi səbirsizliklə gözləyirlər.
