Xalq artisti Gülyanaq Məmmədova "Zaurla Günaydın" verilişində evində çəkilişin qadağan olduğunu açıqlayıb və Özbəkistanda evinin olub-olmaması barədə suallara cavab verib.
Xalq artisti Gülyanaq Məmmədova evində çəkilişə qadağa qoyduğunu açıqlayıb. "Zaurla Günaydın" verilişində bu barədə danışan müğənni, aparıcı Zaur Baxşəliyevə evinə kamerasız qonaq gəlməsini təklif edib.
Müğənni bildirib ki, "Evimizə qonaq gəlin, amma kamerasız. Keçən dəfə dedi ki, evinizə bizi qoymadın. Mən də deyirəm kamera ilə gəlməyin. Bizim evimizə qonaq çox gəlir, amma şou-biznesdən gələn yoxdur. Hamı ilə dostuq, amma öz evində. Guya, evdə oluruq ki? Hamı ilə tədbirdə görüşürük. Kim gələrsə, qapımız açıqdır. Kiminsə evinə girəndə heç nəyə baxmıram."
Müğənni daha sonra Özbəkistanda evinin olub-olmaması barədə suallara "Xoşbəxtəm ki, bir çox yerdə sevilirik. O da olar" cavabını verib.
Xatırladaq ki, Gülyanaq Məmmədova 2022-ci ildə Özbəkistanın Xalq artisti Fəxri adına layiq görülüb.
