Hadise Sinan Akçılı "O Səs Türkiyə"dən uzaqlaşdırdı

Türkiyənin sevilən musiqi yarışması "O Səs Türkiyə" yeni mövsümündə gözlənilməz bir hadisə ilə gündəmə gəlib. Sinan Akçılın münsiflər heyətinə qatılacağı bildirilirdi, lakin bu plan Hadisənin müdaxiləsi ilə dəyişdirilib.

Hadisə yarışma ilə bağladığı müqaviləyə xüsusi bir maddə əlavə etdirərək, keçmiş sevgilisi Sinan Akçılın münsiflər heyətinə daxil edilməməsini tələb edib. Bu tələbdən sonra Sinan Akçıl layihədən uzaqlaşdırılıb və Hadisə əvvəlki mövsümlərdə olduğu kimi yenə də münsif kürsüsündə əyləşib.

Hazırda "O Səs Türkiyə" münsiflər heyətində Hadisə, Melike Şahin, Gökhan Özoğuz və Beyazıt Öztürk yer alır. Yarışmanın ikinci bölümündə Hadisə ilə Melike Şahin arasında "təcrübə" mövzusunda maraqlı bir dialoq yaşanıb. Hadisə təcrübəsinə güvəndiyini bildirərkən, Melike Şahin isə öz təravətinə inandığını vurğulayıb.

Bu dialoq sosial mediada böyük marağa səbəb olub və izləyicilər arasında geniş müzakirələrə yol açıb.