"Harri Potter" Pərəstişkarları Üçün Böyük Sürpriz: Paapa Essiedu Sneypi Canlandıracaq?

"Harri Potter" dünyasının fanatları üçün yeni xəbərlər gəlib. HBO-nun planlaşdırdığı yeni serialında, məşhur "professor Severus Sneyp" rolunu canlandırmaq üçün britaniyalı aktyor Paapa Essiedu nəzərdən keçirilir. Hələlik bu barədə danışıqların başladığı açıqlanmasa da, Essiedu bu rolu canlandıran ilk qaradərili aktyor ola bilər. 34 yaşlı aktyor "Black Mirror", "The Capture" və "Gangs of London" seriallarından tanınır və "Harri Potter" dünyasında ziddiyyətli və mürəkkəb bir personajı canlandıracaq.

Bu addım HBO-nun yeni serialda müxtəlif aktyor heyətini bir araya gətirmək məqsədini daşıyır. Xatırladaq ki, orijinal filmlərdə Sneypi Alan Rikman canlandırmışdı. 2022-ci ildə "Harri Potter" serialının çəkiləcəyi barədə xəbərlər yayıldı və hər mövsüm J.K. Rowlingin yeddi kitabındakı hadisələri ətraflı şəkildə təsvir edəcəyi bildirilmişdi. Serialın 2026-cı ildə yayımlanması gözlənilir və "HBO Max" platformasında təqdim ediləcək. Filmdə "Voldemort" rolunun Killian Mörfi, "Dambldor" rolunun isə Mark Raylens tərəfindən ifa ediləcəyi ehtimalları da mövcuddur.