Heç vaxt yayımlanmamış mahnısı təqdim edildi

Tina Törnerin martın 21-də çıxması planlaşdırılan "Private Dancer" albomunun 40-cı yubiley buraxılışında əvvəllər yayımlanmamış "Hot For You Baby" mahnısı yer alacaq. Avstraliyalı müğənni Con Pol Yanq tərəfindən yazılmış və prodüseri Con Karter olan bu bəstə, ilkin olaraq 1984-cü il buraxılışı üçün nəzərdə tutulmuşdu. Yubiley nəşri bir neçə formatda, o cümlədən beş CD-də genişləndirilmiş versiya və yayımlanmamış treklər, canlı yazılar və videolar olan "Blu-ray" formatında olacaq.

Həmçinin, "Hot For You Baby" mahnısı artıq Yutubda yayımlanıb.

Rok-n-rollun kraliçası Tina Törner isə 2023-cü il mayın 24-də İsveçrədəki evində uzun sürən xəstəlikdən sonra vəfat edib.