"Hürrəm Sultan" ekranlara qayıdır-Yeni layihə ilə sürpriz!
Bir vaxtlar "Muhteşem Yüzyıl" serialındakı Hürrəm Sultan rolu ilə tamaşaçıların sevimlisinə çevrilən Məryəm Üzərli, yeni serialda rol alaraq ekranlara qayıdır. İddialı heyəti ilə diqqət çəkən "Şakir Paşa Ailəsi" serialında Üzərli yeni obrazı ilə sevənlərini təəccübləndirəcək.
AsimanFərzəliyeva 
Türkiyənin məşhur aktrisası Məryəm Üzərli uzun fasilədən sonra ekranlara qayıdır. Bir zamanlar "Muhteşem Yüzyıl" serialında Hürrəm Sultan obrazı ilə yadda qalan aktrisa, yeni bir layihədə yer alacaq. Yeni layihə “Şakir Paşa Ailəsi” adlanır və artıq mövsümün ən iddialı seriallarından biri kimi təqdim olunur. Serialda Məryəm Üzərlinin yanında Vahide Perçin, Fırat Tanış, Devrim Yakut və Cem Yiğit Üzümoğlu kimi tanınmış adlar da yer alır. Serialın yayımlanan anonsunda Üzərlinin görünüşü izləyicilər arasında böyük maraq doğurub. Aktrisanın bu layihədə məşuqə obrazını canlandıracağı bildirilib. "Şakir Paşa Ailəsi" ilə bağlı geri sayım artıq başlayıb və serialın böyük izləyici kütləsi toplayacağı gözlənilir. Məryəm Üzərlinin yeni obrazı ilə ekranlarda hansı yeniliklər yaradacağı isə tamaşaçılar tərəfindən maraqla gözlənilir.
