Jennifer Garner ərə gedir?-FOTO

Jennifer Garner son zamanlar iş adamı sevgilisi John Miller ilə nişanlanma ehtimalları ilə gündəmdədir. DailyMail.com-un paylaşdığı şəkillərdə, aktrisa Los-Ancelesdə sol əlinin nişan barmağında almaz üzüklə görüntülənib. 13 Going On 30 filminin aktrisası, 2018-ci ildən John Miller ilə görüşməyə başlayıb və 2020-ci ildə ayrıldıqdan sonra 2021-ci ildə yenidən bir araya gəliblər.

Aktrisanın yaxın mənbələri, cütlüyün gələn yazda Parisdə toy etməyi planlaşdırdıqlarını bildirib. "Paris onların sevimli məkanlarından biridir və bu gələn yaz orada evlənməyə qərar veriblər," deyə mənbə qeyd edib.

Garner, bir neçə həftə əvvəl verdiyi açıqlamada, "John ilə çox xoşbəxt olduğunu və onunla çox vaxt keçirdiyini" bildirərək, hər gün birgə olduqlarını qeyd etmişdi. Əlavə olaraq, bu ayın əvvəlində, Jennifer Garner və keçmiş əri Ben Affleck-in Şükranlıq günü uşaqları ilə vaxt keçirdiyi, hətta John Miller-in həmin gecəni Garner-in evində keçirdiyi də açıqlanıb.

"Jen sadəcə olaraq uşaqlarının xoşbəxt olmasını istəyir. O, uşaqlarının bir ailə olaraq vaxt keçirmələrini təmin edəcək və Ben'i də buna daxil edəcək," deyə mənbə bildirib.