Meyiti 10 gün sonra tapıldı

Rusiyalı aktyor Aleksandr Milokosti vəfat edib.

Aktyorun cəsədi 10 gün sonra Moskvada mənzilində tapılıb.

Milokosti barəsində bir gün əvvəl polisə itkin düşməsi ilə bağlı məlumat daxil olub. Onun mənzilinə baxış keçirildiyi zaman meyiti orada aşkar edilib. Bildirilib ki, aktyor 10 gün əvvəl vəfat edib. Meyitdə heç bir zorakılıq əlamətləri aşkar olunmayıb.

Qeyd edək ki, Milokosti 1956-cı il sentyabrın 8-də Moskvada anadan olub. O, "Zati-alilərinin adyutantı" filmindəki rolu ilə məşhurlaşıb.