Mine Tuğayın gənclik sirri

Aktrisa Mine Tuğay 46 yaşında olmasına baxmayaraq, gənc və təravətli görünüşü ilə sosial şəbəkələrdə diqqət mərkəzindədir. Aktrisa evdə istifadə etdiyi təbii maska reseptini açıqlayaraq, sağlam dəriyə sahib olmağın sirrini bölüşüb.

Mine Tuğay karyerasının əvvəlində ideal çəkiyə çatmaq üçün balıq yağı və süd kimi qidalara üstünlük verdiyini bildirib. İdeal çəkiyə nail olduqdan sonra isə artıq su yığılmasının qarşısını almaq üçün sulu yeməklərə üstünlük verib. Səhərlər günə limonlu su içərək başlayan aktrisa, səhər yeməyində təbii və faydalı qidalar qəbul etdiyini qeyd edib.

Dəri baxımı üçün isə zərdəçal, bal və limon suyu ilə hazırladığı maskanı tətbiq etdiyini vurğulayıb. Onun sözlərinə görə, bu maska dərini təravətləndirir və parlaq görünüş bəxş edir. Bununla yanaşı, pilates və evdə idman məşqləri də Mine Tuğayın gənc görünüşünün əsas sirrlərindəndir.

Mine Tuğay, sağlam həyat tərzini və təbii gözəllik üsullarını tətbiq etməyi tövsiyə edərək pərəstişkarlarına ilham verir.