Miri Yusifin prodüserini hədələyən şəxs saxlanıldı

Xalq artisti Miri Yusifin prodüseri, televiziya aparıcısı Emin Əfəndini hədələyərək onun hesabına 1000 manat pul ödətmiş şəxs Bakı şəhər sakini, 1999-cu il təvəllüdlü Əli Əhmədov polis tərəfindən saxlanılıb.

Əldə edilən məlumata görə, yanvarın 19-da, naməlum şəxs Emin Əfəndiyə "WhatsApp" vasitəsilə mesaj göndərərək Miri Yusifin videolarını yayımlayacağını və bu səbəbdən ondan 1000 manat məbləğində pul tələb edib. Polis əməkdaşları tərəfindən saxlanılan şəxs haqqında araşdırmalar davam etdirilir.