Məktəblərdəki Yeni il qadağasına etiraz etdi

Türkiyədə bəzi məktəblərdə Yeni il bayramının qeyd olunmasına qoyulan qadağa məşhur müğənni Mustafa Sandalı narahat edib. O, sosial şəbəkə hesabında bu qadağaya etirazını bildirib və qərara sərt şəkildə münasibət bildirib.

Mustafa paylaşımında: "İnsanların Yeni ili qarşılamasına qarışmaq nə deməkdir? Madam ki, Yeni ili qarşılamağa bu qədər əziyyət çəkirsiniz, qərarı verənlər Yanvarın 1-də istirahət etməsinlər. Biz onlara inad bu bayramı ikiqat qeyd edərik!" – yazıb.

Sənətçinin bu etirazı sosial şəbəkələrdə geniş müzakirələrə səbəb olub. Qadağanın, Yeni ilin Türkiyə adət-ənənələrinə zidd olduğu və milli dəyərlərlə uyğun olmadığı bildirilir.