Oğluna verdiyi cavab gündəm oldu-FOTO
Hollivud ulduzu Ben Afflek oğlu Samuelin 6000 dollarlıq ayaqqabı istəməsinə verdiyi cavabla sosial şəbəkələrdə müzakirələrə səbəb olub. Aktyor övladına pul qazanmağın yollarını göstərərək lüks istəklərin asanlıqla qarşılanmadığını izah edib.
AsimanFərzəliyeva 
Məşhur aktyor Ben Afflek və keçmiş həyat yoldaşı Cennifer Qarnerin 13 yaşlı oğlu Samuel ilə dialoqu sosial şəbəkələrdə gündəm olub.
Ayaqqabı sərgisini ziyarət edən Samuel atasından 6000 dollarlıq idman ayaqqabısı almasını istəyib. Lakin Afflek oğlunun istəyinə belə cavab verib:
"Onları bəyənirsən, çünki bahalıdır."
Samuel isə etiraz edərək həmin ayaqqabını həmişə bəyəndiyini söyləyib. Afflek isə oğluna pul qazanmaq üçün qazon biçməyi təklif edib.
Daha sonra aktyor bu hadisəni belə izah edib:
"Ona 'Sənə 1000 dollarlıq ayaqqabı lazım deyil' dedim. O isə 'Amma bizim pulumuz var' cavabını verdi. Mən isə 'Mənim pulum var, sənin yox' söylədim. Birdən 1000 dollarlıq idman ayaqqabısı ona artıq lazımsız göründü."
Sosial media istifadəçiləri aktyorun bu yanaşmasını dəstəkləyiblər.
