"Ona dedim ki, bunu etsən, rollarını itirəcəksən"

Əməkdar artist Azər Axşam mərhum həmkarı Tünzalə Əliyeva ilə bağlı unudulmaz xatirələrini bölüşüb. O, aktrisanın mədəkiçiltmə əməliyyatı etdirmək istədiyini deyəndə onu bu fikirdən daşındırmağa çalışdığını bildirib.

Azər Axşam "Retro Baku" proqramında Tünzalə Əliyevaya verdiyi məsləhətləri xatırladıb:
"Əməliyyat fikrini mənə deyəndə ona söylədim ki, buna ehtiyac yoxdur. Sən belə sevilirsən, belə şirinsən. Arıq olmaq, yaxşı olmaq demək deyil. Dedim ki, əgər bunu etsən, rollarını itirəcəksən, çünki sən 'Toppuş bacı' obrazı ilə tanınırsan və o xarakter arıqlayandan sonra yox olacaq."

Aktyorun sözlərinə görə, o, Tünzalə Əliyevaya əməliyyat əvəzinə pəhriz saxlamağı və idmanla məşğul olmağı tövsiyə edib, lakin aktrisa arıqlamaq qərarından vaz keçməyib.