Xalq artisti Miri Yusif və prodüseri Emin Əfəndi onları şantaj edən şəxsi bağışladı. Məhkəmənin ilkin iclasında sənətçi və prodüseri həmin şəxsin cəzalandırılmasını istəmədiklərini bildiriblər.
Xalq artisti Miri Yusif və onun prodüseri Emin Əfəndini şantaj edən şəxslə bağlı məhkəmənin ilkin iclası keçirilib.
Məlumata görə, müğənninin şəxsi görüntülərini yaymaqla hədələyən və pul tələb edən şəxs məhkəmə qarşısına çıxarılıb. Lakin Miri Yusif və Emin Əfəndi onu bağışlayaraq, məsələni böyütmək istəmədiklərini bildiriblər.
Xatırladaq ki, yanvarın 19-da naməlum şəxs prodüser Emin Əfəndiyə "WhatsApp" vasitəsilə mesaj yazaraq Miri Yusifin videolarını yayacağı ilə təhdid edib və pul tələb edib. Daxili İşlər Nazirliyinin operativ tədbirləri nəticəsində həmin şəxs qısa müddətdə saxlanılıb.
