"Onlar sənəti aşağı salırlar"

Xalq artisti Brilliant Dadaşova bəzi müğənniləri sərt tənqid edib. O, "El canlı" proqramında çıxışı zamanı sənətin dəyərini aşağı salan davranışlara toxunub. Müğənni bildirib ki, bəzi qonaqlar efirdə elə ab-hava yaradır ki, aparıcılarla qeyri-etik dialoqlar baş verir.

Dadaşova bu vəziyyəti belə ifadə edib:
"Biz evimizdə mətbəxdə danışdığımız söhbətləri efirə çıxarmırıq. Lakin elə müğənnilər var ki, onları səhnəyə çıxarmaq əslində sənəti ucuzlaşdırır. Onların davranışları sarayı sirkə çevirən təlxək kimidir. Əfsuslar olsun ki, sənət onları qaldıra bilmir, amma onlar sənəti aşağı salırlar."

Sənətçi, efir mədəniyyətinə riayət etməyin və sənət səviyyəsini qorumağın vacibliyini bir daha vurğulayıb.