"Pusu"nun aktyoru hava limanındakı bahalı parkinqə etiraz etdi

"Kurtlar Vadisi Pusu" serialında Yıldız obrazı ilə tanınan aktyor Zafer Algöz, İstanbul Hava Limanı avtodayanacağında bahalı parkinq qiymətinə sərt reaksiya verib.

Milli.Az xəbər verir ki, aktyor sosial şəbəkə hesabında paylaşım edərək, avtomobilini 22 saat parkinqdə saxladığını və buna görə 1225 lirə (təxminən 56 manat) ödəniş tələb edildiyini bildirib.

"Bilsəydim, hava limanına yaxın oteldə suit otaq tutardım, maşın da rahatlıq tapardı... Artıq bəzi şeylərə 'yuuhh' demək yetərli deyil, 'ohhaaa ohaaa' deyirəm. Allah vicdan versin", - deyə aktyor yazıb.

Sosial media istifadəçiləri də bu məbləğin həddindən artıq olduğunu bildirərək, rəsmi tarifə əsasən 22 saat üçün 540 lirə olması gərəkdiyini və mümkün yanlışlıq ola biləcəyini qeyd ediblər. Digərləri isə qiymətlərin getdikcə artmasına narazılıq ediblər.