Şahzadə və xanımı Meşə Yanğınlarından Zərər Görənlərə Yardım Ediblər
Kaliforniyada yaşanan meşə yanğınları nəticəsində evsiz qalanlar, Şahzadə Herri və həyat yoldaşı Meqan Marklın sığınacağına sığındılar. Cütlük həmçinin psixi sağlamlıq dəstəyi və uzunmüddətli bərpa işləri ilə yanğınlardan təsirlənən icmaya yardım göstərir.
D.Sadi 
Kaliforniyanın Montecito şəhərində yaşayan Şahzadə Herri və həyat yoldaşı Meqan Markl, meşə yanğınları nəticəsində evlərini itirən və təxliyə olunmağa məcbur qalan insanlara yardım etmək üçün qapılarını açmışlar. Onların evində, yanğından təsirlənən dostlar və ailə üzvləri sığınacaq tapıblar.
Bundan əlavə, cütlük, "Archewell" Fondu vasitəsilə Cənubi Kaliforniya icmasını dəstəkləyir. Fond, böhran zamanı psixi sağlamlıq yardımı, bərpa prosesləri və digər sosial təşəbbüslərlə fəlakətdən əziyyət çəkənlərə kömək edir.
Şahzadə Herri və Meqan Markl, yanğın qurbanlarına zəruri əşyalar, geyimlər və uşaq əşyaları da bağışlayaraq fəal dəstək göstərmişlər. Cütlüyün bu yardımları, yanğınların təsirlərini yüngülləşdirmək və ehtiyacı olan insanlara dayaq olmaq məqsədini güdür.
