Sevgi və iş həyatında ən şanssız bürclər
Astroloqlar sevgi və biznesdə uğursuzluq yaşayan bürcləri müəyyən ediblər. Bu bürclər tənqidə meyilli, emosional və idarəçilik xüsusiyyətləri ilə seçilirlər.
AsimanFərzəliyeva 
Astrologiya ilə maraqlananlar üçün bürclərin sevgi və iş həyatına təsiri böyük maraq doğurur. Ancaq bəzi bürclər bu sahələrdə digərlərindən daha çox çətinliklərlə qarşılaşa bilər. Astroloqların fikrincə, üç bürc həm eşqdə, həm də iş həyatında uğursuzluğa daha çox məruz qalır.
Qız bürcü
Təfərrüatlara və mükəmməlliyə həddindən artıq önəm verdiklərinə görə Qız bürcləri həm münasibətlərdə, həm də iş həyatında çətinliklər yaşayırlar. Tənqidi yanaşmaları və vasvasılıqları onları həm tərəf-müqabili, həm də iş yoldaşları ilə problemlərlə üzləşdirə bilər. İşdə isə daim hər şeyin mükəmməl olmasını istədikləri üçün stres və sıxıntı yaşayırlar.
Oğlaq bürcü
Ciddi və nizam-intizamlı xarakterə malik olan Oğlaqlar bəzən münasibətlərdə emosional çətinliklər yaşayırlar. Onların sərt və işgüzar yanaşması sevgidə soyuqluq yarada bilər. İş həyatında daim zirvəyə çatmaq istədikləri üçün özlərini həddən artıq yorur, nəticədə tükənmişlik sindromuna məruz qalırlar.
Əqrəb bürcü
Əqrəblər emosional gücləri və intensiv hissləri səbəbilə münasibətlərində problemlərlə qarşılaşırlar. Qısqanclıq və idarəçilik meylləri onların tərəf-müqabili ilə münaqişələr yaşamasına səbəb ola bilər. İş həyatında isə rəqabətə davamlı və iddialı olduqlarına görə tez-tez mübahisələrə girirlər.
Astroloqların fikrincə, bu bürclər həyatın çətinliklərinə daha tez məruz qalsalar da, bu xüsusiyyətlərini idarə etməyi öyrənərək uğura çata bilərlər.
