Şinasi Yurtseverin ölümü ilə bağlı yeni detallar

51 yaşında dünyasını dəyişən türkiyəli aktyor Şinasi Yurtseverin son günlərinə dair yeni məlumatlar ortaya çıxıb.

Məlumata görə, aktyor ötən il mədə xərçəngi diaqnozu alıb və müalicə alırdı. Son günlərdə sətəlcəm keçirən sənətçi xəstəxanaya yerləşdirilib. Onun ölümü barədə ilk xəbəri aktyor Zafer Alagöz yayıb. Lakin daha sonra məlum olub ki, Şinasinin valideynləri bundan xəbərsizdir. Bu səbəbdən Alagöz paylaşımını silmək məcburiyyətində qalıb.

Aktyorun son paylaşımı rəqs etdiyi görüntülər olub. O, "Yüzde İki" serialında "Kadri" obrazını canlandırıb və ekran işinin ilk 5 bölümündə rol alıb. Şinasi Yurtsever 18 il ərzində Ferihan Yurtsever ilə evli olub.