"Squid Game" serialının aktrisası vəfat etdi-FOTO
Məşhur Cənubi Koreya serialı "Kalmar Oyunu"nun aktrisası Li Cu-sil 81 yaşında dünyasını dəyişib. O, mədə xərçəngi diaqnozu aldıqdan bir neçə ay sonra vəfat edib. Daha əvvəl süd vəzi xərçəngindən sağ çıxan aktrisa uzun illər sənət aləmində fəaliyyət göstərib.
AsimanFərzəliyeva 
"Kalmar Oyunu" ("Squid Game") serialının aktrisası Li Cu-sil 81 yaşında vəfat edib.
Cənubi Koreyanın "The Chosun Ilbo" nəşrinin məlumatına görə, aktrisa bazar günü Uijeongbu şəhərindəki ailə evində dünyasını dəyişib.
2024-cü ilin noyabr ayında ona mədə xərçəngi diaqnozu qoyulmuşdu. Buna baxmayaraq, Li Cu-sil daha əvvəl 50 yaşlarında süd vəzi xərçənginin 3-cü mərhələsindən əziyyət çəksə də, uzun müalicədən sonra sağalmışdı. Həkimlər ona bir ildən az ömür qaldığını bildirsələr də, aktrisa 13 il sonra tamamilə sağaldığını açıqlamışdı.
Li Cu-sil karyerası ərzində bir çox məşhur filmlərdə və seriallarda rol alıb və Cənubi Koreya kino sənayesində iz qoyan aktrisalardan biri olub.
