Türkiyəli müğənninin vəziyyəti kritikləşdi: helikopterlə Antalyaya aparıldı - Foto

Türkiyənin məşhur müğənnisi Ferdi Tayfurun səhhəti son günlərdə ciddi şəkildə pisləşib. İfaçının soyuqdəymə səbəbindən vəziyyəti ağırlaşıb. 79 yaşlı Tayfur təcili olaraq Muğla şəhərinin Menteşe bölgəsindən tibbi helikopterlə Antalyaya aparılıb. Burada o, reanimasiyaya yerləşdirilib və müalicəsinə davam olunur.

Məşhur sənətçi uzun müddət idi ki, səhhətində problem yaşamırdı. Xatırladaq ki, 2020-ci ildə Tayfura oğlundan alınan böyrək köçürülmüşdü. Hal-hazırda, o, Antalyada yerləşən Özel Yücelen xəstəxanasında müalicə olunmaqdadır.