Xalq artisti Zemfira Nərimanova illər sonra üzə çıxdı

Xalq artisti Zemfira Nərimanova illər sonra bir məclisdə görüntülənib. Aktrisa, tanınmış Əməkdar artist Xumar Qədimova ilə bir araya gəlib. Qədimova məclisdə mahnı oxuyarkən, Nərimanova səhnəyə çıxaraq rəqs edib və hər kəsi sevindirib. Xumar Qədimova həmin anları sosial şəbəkədə paylaşaraq, "Xalqımızın sevimli aktrisası, 'Pəncərədə işıq'la tamaşaçıları sevindirən Zemfira Nərimanova! Sizi görmək çox xoş oldu" sözlərini yazıb.

Zemfira Nərimanova uzun illərdir ki, ictimaiyyətə açıqlamalar vermir və televiziya efirlərinə çıxmır. 65 yaşlı aktrisa hazırda Akademik Milli Dram Teatrında fəaliyyət göstərir. Aktrisa, bir çox tanınmış rolu ilə məşhurdur. Onun rol aldığı "Pəncərədə işıq", "Ordan-burdan", "Göz həkimi" və "İtkin gəlin" kimi teletamaşaları böyük izləyici kütləsi tərəfindən sevilir. Z.Nərimanova uzun müddət xaricdə yaşayıb və Azərbaycana qayıtdıqdan sonra isə heç bir ictimai tədbirdə görünməmişdi.