Xalq artistindən yanğın faciəsinə reaksiya-FOTO
Xalq artisti Azərin Türkiyənin Bolu vilayətində "Grand Kartal" hotelində baş verən yanğınla bağlı insanlara önəmli tövsiyələr edib. Sənətçi hər kəsi təhlükəsizlik məsələlərinə ciddi yanaşmağa çağırıb.
AsimanFərzəliyeva 
Xalq artisti Azərin Türkiyənin Bolu vilayətində "Grand Kartal" hotelində baş verən yanğın faciəsinə biganə qalmayıb. Sənətçi sosial şəbəkə hesabında izləyicilərinə müraciət edərək, istirahətə getməzdən əvvəl məkanların təhlükəsizlik şəraitini diqqətlə araşdırmağı tövsiyə edib.
Azərin paylaşımında bu sözlər yer alıb:
"Artıq hər yer təhlükəlidir. Getdiyiniz yerləri araşdırın, maraqlanın. Bunun başqa yolu yoxdur. Həyat təhlükəsizliyimiz öz əlimizdədir."
Xatırladaq ki, Bolu vilayətində "Grand Kartal" hotelində baş verən dəhşətli yanğın nəticəsində 78 nəfər həyatını itirib. Faciə ilə əlaqədar hotelin sahibi Halit Ergül də daxil olmaqla, 8 nəfər həbs edilib.
