Xalq artistinin son vəziyyəti açıqlanıb

Xalq artisti Ofeliya Sənani səhhəti ilə bağlı açıqlama verib. O, yeni il başlasa da, hələ də ciddi sağlamlıq problemləri ilə üzləşdiyini bildirib.

"Xəstəxanadan evə buraxılsam da, həkim nəzarətində müalicəm davam edir. Səhhətim hələ də düzəlməyib. Danışmağa belə halım yoxdur. Bir müddət xəstəxanada müalicə aldım, amma xeyri olmadı. Həkimlər uzunmüddətli müalicə lazım olduğunu deyirlər. Yüksək təzyiqdən əziyyət çəkirəm. Köhnə il necə keçdi, yeni il necə gəldi, xəbərim olmadı. Efirlərə çıxa bilmədim, heç bir yerə gedə bilmədim, yalnız evdə, dava-dərmanla qaldım," — deyə Ofeliya Sənani qeyd edib.

O, həkim nəzarətində müalicəsinin davam etdiyini, lakin hələ də əvvəlki sağlamlıq vəziyyətini bərpa edə bilmədiyini bildirib.