"Xozeyn" ləqəbli tiktoker həbs olundu

Polisin sosial şəbəkələrdə əxlaqsızlığın təbliğinə qarşı keçirdiyi əməliyyat nəticəsində tanınmış tiktoker "Xozeyn" ləqəbli Vüqar Kərimov həbs olunub.

Lent.az-ın əldə etdiyi məlumata görə, Nərimanov rayon Məhkəməsində keçirilən prosesdə "Xozeyn" Cinayət Məcəlləsinin 234.1-1-ci maddəsi (Satış məqsədi olmadan külli miqdarda qanunsuz narkotik vasitələr və ya psixotrop maddələri saxlama və ya daşıma) ilə təqsirli bilinərək barəsində 4 ay müddətinə həbs-qətimkan tədbiri seçilib.

Qeyd edək ki, "TikTok" əməliyyatının istintaqı Daxili İşlər Nazirliyinin Kibercinayətkarlıqla Mübarizə Baş İdarəsində aparılır.