“Xəyanətin kölgəsində...”

Müğənni Aysun İsmayılovanın əri, tanınmış vəkil Ramil Vəliyev sosial mediada etdiyi paylaşımı ilə müzakirələrə səbəb olub.

Milli.Az xəbər verir ki, Vəliyev “Xəyanətin kölgəsində sevgi solur” adlı mahnının müşayiəti ilə video yayımlayıb. Bu paylaşım izləyicilər tərəfindən birmənalı qarşılanmayıb. Onlar müğənninin xəyanət etdiyini və cütlüyün ayrılıq səbəbinin də məhz bu olduğunu iddia ediblər.

Xatırladaq ki, Aysun İsmayılova və Ramil Vəliyev boşanmaq qərarına gəliblər. Vəkil bunun səbəbini "kobud və soyuq xarakterimdir" sözləri ilə izah edib. O, hər iki tərəfin nikahın pozulması üçün mediasiyaya müraciət etdiyini bildirib.

Aysun İsmayılova isə övladının gələcəyini nəzərə alaraq ailəsi ilə bağlı açıqlama vermək istəmədiyini vurğulayıb və mediadan bu mövzuda suallar ünvanlamamalarını xahiş edib.

Qeyd edək ki, cütlüyün Sevgi adlı bir qızı var.